Yesus Pokok keselamatan yang abadi

*Jumat  Agung (Parningotan ari Hamamate ni Tuhan Jesus) – 07  April 2023* 

Ep. Psalm 22 : 18 -  25

*Ev. Heber   5 :   7 – 10  “Jesus siboan Haluaon salelenglelengna= Yesus Pokok keselamatan yang abadi“* 

1. *Ada banyak jalan tapi hanya satu jalan menuju kepada Keselamatan* ; ada banyak allah akan tetapi hanya Allah dalam Yesus Kristus yang membawa kepada Kehidupan: *”Asa ndang adong haluaon di bagasan manang ise na asing; ai ndang adong goar na asing ditoru ni langit dilehon tu jolma, parhiteanta tu haluaon”* (Ul. Ap.4:12).

2. *Jesus dihatindanghon panurat Heber,* songon Anak Ibana na mardaging jolma diadopi do hatahuton, alai dipasahat do diriNa tu AmaNa: dipelehon do angka pangidoanna dohot elehelekna, mardongan angguk bolon dohot iluilu tu na tuk paluahon Ibana sian hamatean; jadi ditangihon do Ibana, diguruhon do pangoloion marhite sian na tinaonannai, sahat tu na Rimpas: dung rimpas gabe sihorhon haluaon salelenglelengna do Ibana di sude na mangoloi Ibana. Dipanghophoppon ni Jesus, diriNa i do dipelehon bahen Pardengganon tu Amai, ido umbahen digoar Debata Ibana sintua ni malim, mangihuthon horong ni si Melkisedek.

3. *Jesus siboan Haluaon salelenglelengna.* 

Somalna di Padan na Robi, Malim do tau mamelehon Pelean Pardengganon tu Debata Ama, alai Jesus, diriNa do dipelehon laho padomuhon pardengganon ni jolma tu Debata. Dipatuduhon Jesus do pangoloionNai bahen Pardengganon, marhite hamamateNa di Silang i, asa luhut hajolmaon dipadomu jala taruli di Haluaon i. Ibana do siboan haluaon salelengNa. 

*Asa dihita haluaon on, naeng tahangoluhon PANGOLOION i, songon Jesus na mangoloi AmaNa:* *“Alai nuaeng, dung malua hamu sian dosa i, dung gabe pangoloi di Debata hamu, adong do parbuemuna tu habadiaon; jala hangoluan na salelenglelengna do hapateanna. Ai upa tinuhor ni dosa do hamatean; alai basabasa ni Debata do hangoluan salelenglelengna marhitehite Kristus Jesus Tuhanta i”* (Rom 6:22-23).

*Selamat merefleksikan PANGOLOION ni Kristus i, gabe Haluaonta,* amin...

selam

Tabe sian HKBP SEI LABUHAN  RUKU  RESSORT LABUHAN RUKU.  

Jahowa na mangaramoti jala mamasumasu ngolu nang Ulaonta, amin..  Pdt. RSh,-🙏